கோகிலா - 1977 அக்டோபரில் வெளியான கன்னட திரைப்படம். இந்த திரைப்படத்தை தயாரித்தவர் சிப்பிகுளம் என்ற பரதவ கிராமத்தில் இருந்து வந்து சென்னையிலும், இலங்கையிலும் தொழில் செய்து முன்னேறிய டி. மோட்சம் பெர்னாண்டோ அவர்கள், பாலு மகேந்திரா (இலங்கை தமிழர்) என்ற மாபெரும் கலைஞனை திரையுலகில் இயக்குனராக அறிமுகம் செய்தார்.

அதுமட்டுமின்றி கமல்ஹாசன் (தமிழர்), சோபா (மலையாளி) ரோஜா ரமணி (தெலுங்கு) ஆகியோர் கன்னடத்தில் அறிமுகம் ஆன முதல் திரைப்படம். பிரபலமான நடிகர் மோகன் (கன்னடர்) நடித்த முதல் திரப்படம். இசை சலில் சௌவ்த்ரி ( பெங்காலி). எவ்வளவு மொழி பேசுபவர்களை இணைத்திருக்கிறார் மோட்சம் பெர்னாண்டோ.

இதில் மோகன் தவிர யாருக்கும் கன்னடம் தெரியாது. ஆனால் கமல்ஹாசன் கன்னடத்தில் பேசி நடித்தார். இது ஒரு கிளாசிக்கல் திரைப்படம் தமிழில் ஓடுவது கடினம் எனக் கருதி கன்னடத்தில் தயாரித்தார் மோட்சம் பெர்னாண்டோ. ஆனால் என்ன அதிசயம் தமிழகத்திலும் 100 நாள் ஓடியது கோகிலா~ கன்னட திரைப்படம்.

இந்த திரைப்படம் பல தேசிய விருதுகளையும் வென்றது. இன்டர்நேஷனல் திரைப்பட விழாவிலும் திரையிடப்பட்டது. மேலும் இந்தி உட்பட பல மொழிகளில் தயாரிக்கப்பட்டது.

1978 – National Film Award for Best Cinematography (Black-and-white motion picture) at the 25th National Film Awards.

1978 – Best Screenplay from the Government of Karnataka for Balu Mahendra.