210 நெய்தல்

குறியிறைக் குரம்பைக் கொலை வெம் #பரதவர்
எறிஉளி பொருத ஏமுறு பெரு மீன்
புண் உமிழ் குருதி புலவுக் கடல் மறுப்பட,
விசும்பு அணி வில்லின் போகி, பசும் பிசிர்த்

5
திரை பயில் அழுவம் உழக்கி, உரன் அழிந்து,
நிரைதிமில் மருங்கில் படர்தரும் துறைவன்,
பானாள் இரவில், நம் பணைத் தோள் உள்ளி,
தான் இவண் வந்த காலை, நம் ஊர்க்
கானல்அம் பெருந் துறை, கவின் பாராட்டி,


10
ஆனாது புகழ்ந்திசினோனே; இனி, தன்
சாயல் மார்பின் பாயல் மாற்றி,
''கைதை அம் படு சினைக் கடுந் தேர் விலங்கச்
செலவு அரிது என்னும்'' என்பது
பல கேட்டனமால் தோழி! நாமே.


தோழி தலைமகன் சிறைப்புறமாக, தலைமகட்குச் சொல்லுவாளாய்ச் சொல்லியது. - உலோச்சனார்