கொடுவா இனத்தைச் சேர்ந்த பண்டாரி மீன் நீள உடலும், சற்றே சரிந்த வாயும் கொண்டது. இதன் மேல்தாடை கண்களுக்கு மேல் வரை ஓடும். பாரமுண்டி என்பது இதன் பொதுவான பெயர். இது ஆஸ்திரேலியாவின் குயின்ஸ்லாந்து பகுதியில் வாழும் பழங்குடி மக்கள் சூட்டிய பெயர். பெரிய செதிள்கள் கொண்ட ஆற்றுமீன் என்று இதற்குப் பொருள். மலையாளத்தில் இந்தமீன் களஞ்சி என்றும், சிங்களத்தில் மோத்தா என்றும் அழைக்கப்படுகிறது.