மேற்கண்ட பட்டியலை பரதவ சாதி தலைவர்களின் வாரிசான பெர்க்மான்ஸ் மோத்தா பாண்டியாபதியின் பல்வேறு கோப்புகளிலிருந்து தருகிறார். 

THE LAST KING OF PARATHAVARS

மொத்தம் 21 பேர் சாதித் தலைவர்களாக பொறுப்பேற்றிருந்தனர். 1952 ஆம் ஆண்டிற்குப் பிறகு சாதித் தலைவராக யாரும்  பொறுப்பேற்கவில்லை. 

எல்லாச் சாதித் தலைவரும் தங்கள் பெயருக்கு முன் சிஞ்ஞோர் சிஞ்ஞோர் தொன் என்னும் போர்த்துக்கீசிய தகுதிப் பட்டத்தையும், பெயருக்குப் பின் பரதவர்ம பாண்டியன் என்னும் பாண்டிய மன்னனின் குடிபெயரையும் தாங்கியிருந்தனர். பரதவ சமுதாயம் கிறிஸ்தவம் தழுவ உதவிய சுவாம் தெக்குருஸ் என்னும் வணிகரின் நினைவாக தங்கள் பெயருடன் தெக்குருஸ் என்னும் பெயரையும் சேர்த்துக் கொண்டனர்.

வாரிசு இல்லாத போது மகளுக்கோ அல்லது மகளின் கணவருக்கோ சாதித் தலைவர் பட்டம் சூட்டப்பட்டது. மகளின் திருமணத்தின் பின் மகளின் கணவர் சாதித்தலைவர் பொறுப்பினை ஏற்றதும் உண்டு.